O Club Ourense Baloncesto visita o Marta Domínguez este venres para medirse ao equipo favorito ao ascenso directo: o Palencia.
É, sen dúbida algunha, o partido máis atractivo da xornada na LEB Ouro. O líder contra o líder virtual, e é que o COB é o líder da competición, mentres que o Palencia é virtualmente o mellor por ter as mesmas vitorias pero cun partido menos.
Os palentinos están en todas as quinielas para o ascenso directo, polo que este partido será un claro medidor das posibilidades dos ourensáns de loitar ata o final polo soño de rematar primeiros.
O Palencia borrou da súa pista a equipos como Breogán Lugo e Burgos, outros dos claros favoritos para estar arriba na clasificación. O adestrador ourensán, Gonzalo García de Vitoria, ten a lección aprendida e tentarán que non lle ocorra o mesmo ao seu equipo.
Outra das chaves será a fortaleza defensiva. O COB, nun bo partido, pode ser tan forte defensivamente coma o seu rival; se a isto se lle suma un porcentaxe de anotación alto, a vitoria pode estar máis preto do que pensamos.
Progresión
García de Vitoria considera que para que o equipo siga crecendo precisa que tres xogadores progresen nas vindeiras xornadas. Christian Díaz debe dar minutos de descanso a Pedro Rivero; Darien Brothers xa vai polo camiño do que se espera del, e Aaron Geramipoor deberá aportar minutos de refresco aos compañeiros. «Van polo bo camiño», asegura o técnico.
