Os candidatos elexidos serán as propostas de EU nos procesos de converxencia nos que a militancia de EU participa se finalmente cristalizan como no caso de Ourense en común.
O proceso das primarias de EU en Ourense será aberto para todas as personas que decidiron participar e inscribirse como simpatizantes ate o 21 de xaneiro. En Ourense Esquerda Unida incrementou un 50% o seu censo con respecto ao censo de militantes que participaron nos procesos de eleccións primarias internas nas europeas de 2014.
EU valora como moi positiva a gran incorporación de simpatizantes nestas semanas que auguran un proceso participativo e amplo para elexir as personas que simpatizantes e militantes de EU en Ourense consideran como as máis adecuadas para participar no proceso electoral municipal coa vista posta nos procesos de converxencia.
O calendario orgánico que Equerda Unida desenvolverá será o seguinte: ata o 30 de xaneiro, recollida de avais para os candidatos e candidatas que desexen postularse como candidato ou candidata á alcaldía de Ourense; así como verificación de censos, incidencias e reclamacións. O día 31 proclamaranse os candidatos e desde esa data ata o 13 de xaneiro terá lugar a campaña das primarias. A votación e reconto serán os días 14 e 15 de febreiro e o escrutinio definitivo o 18.
