Este venres 24 de abril o Club Ourense Baloncesto xoga o primeiro partido da primeira eliminatoria do play off polo ascenso a ACB.
O último partido de Liga foi un paseo para os homes de Gonzalo García de Vitora. Enfronte un Planasa Navarra que non tivo ningunha opción durante os 40 minutos de xogo. 89-49 foi o resultado final o que leva ao COB a chegar aos play offs coa moral polas nubes. Esta vitoria supuxo que conquistaran o subcampionato de liga, tan só superado polo Burgos.
{gallery}stories/deportes/20150420_cobpalencia{/gallery}
Pincha na foto para ver a tarifa de prezos.
Play offs
Para os play offs de ascenso á ACB a directiva pon á venda dúas modalidades: pagar un abono para todas as eliminatorias, ou ben ir partido a partido. Estas dúas opcións levan o nome dun xogador da plantilla.
Opción Arco
A opción Arco é para os que queiran adquirir un abono para as tres eliminatorias; o handicap desta elección é que non se sabe se o Ourense vai avanzar en todas as eliminatorias.
Os abonos desta opción son de 30 euros para socios; 50 euros para non socios; 15 euros para todos os xuvenís (16 a 35 anos) e 15 euros para os infantís (de 3 a 15 anos).
Opción Rivero
Esta opción é para ir partido a partido ou eliminatoria a eliminatoria (para os socios).
Se se é socio (pensando no público en xeral) para a primeira eliminatoria pagaría 5 euros para os dous encontros. Para a segunda eliminatoria pagaríase 10 euros por entrada ou 15 de abono (dous partidos en casa ou tres se fose necesario o quinto de desempate). Para a terceira eliminatoria o prezo é de 12 euros por partido ou 20 de abono (dous partidos en casa ou tres se fose necesario o quinto de desempate).
Para os que non sexan socios e elixan esta opción non hai posiblidade de abono por eliminatoria e deberían pagar a entrada do partido ao que acudan.
Deste xeito para os prezos para a primeira eliminatoria (sempre para público en xeral) son de 10 euros; 15 para os encontros da segunda eliminatoria e de 17 para a terceira e última rolda.
Custe
Desde a directiva explicaron os motivos destes prezos dicindo que o orzamento estimado era para a Liga e non para os play offs. O custe desta promoción de ascenso (xogando as tres eliminatorias) rondaría os 100.000 euros.
