O Club Ourense Baloncesto logra a primeira vitoria da serie contra o Lleida nun encontro moi pechado ata o último cuarto.
O partido comezou coa lección aprendida por parte dos dous equipos. Os ourensáns querían impedir que os ilerdenses tiveran un inicio fulgurante, e estes poñían trampas para que os locais non se sentiran cómodos na cancha.
Os dous primeiros cuartos reflexaron un 30-20 para os de García de Vitoria que deixaba todo aberto para o segundo tempo. O COB, aínda que algo mellor, non daba levado a manixa do encontro. Rivero non estaba cómodo no partido e iso notabao o equipo.
No terceiro o COB mostrouse máis errático se cabe e pasou apuros para frenar ao visitantes que lograron impoñerse no cuarto 16-22 deixando un 46-42 e todo por decidir nos últimos 10 minutos.
E nestos 10 minutos sobresaíron as figuras de dous xogadores. Chistian Díaz soupo substituir ao Pedro Rivero no mando do COB con minutos de calidade. E Marcos Suka-Umu quen fixo, por varias ocasións, por en pe á bancada cobista. Súas foron as mellores accións dos ourensán que levou a acadar a vitoria.
Este domingo (Paco Paz, 19 horas) segundo asalto. O primeiro polos puntos para o Club Ourense Baloncesto. As espadas seguen en todo o alto.
