“Cada grupo puido ofrecer as súas demandas”, afirmou o rexedor, en resposta ás críticas de Democracia Ourensana.
O alcalde de Ourense, Jesús Vázquez, xustificou este xoves o cambio de local para o grupo municipal socialista, que desde Democracia Ourensana se cualificara na véspera de “cambio de cromos”. O rexedor explicou que durante a negociación das modificacións de créditos que se aprobaron este mes (co apoio socialista) “cada grupo puido ofrecer as súas demandas” e recordou que as de DO “estase a traballar nelas”.
Vázquez Abad tamén argumentou que os locais que ocupaban os grupos da oposición no pasado mandato (tres locais no soto da casa consistorial) non estaban preparados “para a actual configuración” da corporación, cun grupo socialista composto por seis concelleiros. O PSOE trasladarase pois do antigo despacho que ocupaba o BNG na pasada lexislatura ao cuarto no que estaba ubicado o servizo de reprografía do Concello.
Para Democracia Ourensana, as declaración do rexedor confirman “al pie de la letra el cambio de cromos PP-PSOE para llevar a cabo las modificaciones de crédito”.
DO puntualiza a “enorme diferencia” entre o solicitado polo PSOE e o demandado polo seu partido: “nosotros exigimos solamente unas escaleras mecanizadas para el barrio de la Milagrosa, es decir, algo para el pueblo, y no para el grupo municipal DO, la diferencia es de la noche al día, y no merece más comentarios, porque es algo escandaloso”.
