Na Terceira División non foi a mellor xornada para os ourensáns. Na Preferente, dúas vitoria e un empate.
O Barco deixou o liderato ao perder na casa diante do Arousa (novo líder) por cero goles a dous. Os valdeorreses véronse sorprendidos por un equipo que tivo máis fortuna que os locais de cara ao gol. Os ourensáns baixan á cuarta posición con sete puntos.
O Barbadás, pola súa banda, deixou escapar dous puntos na súa casa ao verse sorprendido polas Pontes. Os de Peluso comezaron gañando e puideron distanciarse no marcador, pero foron os visitantes os que lograron o gol e arañar un punto nos Carrís. Este empate fai que o Barbadás sexa colíder da Liga con oito puntos.
E o Verín sacou un empate na súa visita ao campo do Choco o que lle permite sumar cinco puntos nas catro primeiras xornadas.
Rexional Preferente
Na Rexional Preferente vitorias de Monterrei e Arenteiro e empate do Ourense Club de Fútbol. O Monterrei venceron por 2-1 ao Caselas; o mesmo resultado obtivo en Espiñedo os de Carballiño diante do Sanxenxo e o Ourense C.F. sacou un empate da súa visita ao campo do Gondomar.
Con estes resultados o Arenteiro é quinto con oito puntos; o Monterrei, undécimo con seis e o Ourense C.F. é décimo terceiro con cinco.
