Entre as compras no comercio local realizadas do 9 de outubro ao 9 de novembro sortearanse 14 estancias nos balnearios Caldaria e 350 circuitos termais nas Termas de Outariz.
A segunda edición da campaña de promoción do comercio local ourensán “En Ourense, merca e reláxate” repartirá premios por un valor de máis de 3.000 euros e estará en marcha do 9 de outubro ao 9 de novembro.
Mediante un sistema de tarxetas tipo rasca os clientes dos establecementos asociados participantes poderán optar a premios como 14 estancias para dúas persoas en balnearios do Grupo Caldaria, ou 350 circuitos termais nas Termas de Outariz Ourense Spa, 50 deles con con baño de chocolate incluído.
Mercar no comercio local é bo para todos, por iso a Federación de Comercio de Ourense pon de novo en marcha este sorteo para favorecer e impulsar o comercio local, unindo así dous factores importantes e complementarios da provincia como son o comercio e o termalismo, facilitando a oportunidade de gozar dos nosos recursos.
