En favor da recollida de fondos para a Promoción do Éxito Escolar en Ourense. A cita é o venres e o sábado a partir das 20 horas.
O Auditorio acolle esta fin de semana a Gala Benéfica organizada por Cruz Vermella en favor da recollida de fondos para a Promoción do Éxito Escolar en Ourense. Baixo o lema “Que non pare a cultura”, o venres e o sábado a partir das 20 h actuarán na sala principal do Auditorio os grupos “Etiqueta Negra”, “La Sombra”, “Swiss Cottage”, “Amizade”, “Auriam Heep” e “Los Camachuelos”. As entradas teñen un prezo de 2 eurose os beneficios recadados irán destinados ao programa desenvolvido pola Cruz Vermella de Ourense que traballa na promoción do éxito escolar.
Na presentación da gala estivo a concelleira de Cultura, Belén Iglesias, a representante da Cruz Vermella, Carmen González e Javier Vaz, organizador do festival. A concellería de Cultura cede o Auditorio Municipal para esta actividade que, en palabras de Belén Iglesias, “é tan importante e tan necesaria na nosa sociedade hoxe en día”.
