O Sindicato de traballadoras e traballadores do ensino de Galiza conmemora este sábado 24 o seu 25º aniversario cun acto de homenaxe a toda as persoas que levan 25 anos afiliadas.
A organización sindical desenvolverá en Ourense durante o venres 23 e o sábado 24 de outubro o seu VIII Congreso, que coincide co seu 25º aniversario.
A apertura deste acto, onde participarán arredor de 100 delegados de toda Galiza e a afiliación que así o desexe, terá lugar no Liceo e comezará o venres ás 17:30 horas da tarde, onde se fará balance da actividade do STEG nos últimos catro anos e terán lugar diversas ponencias e debates arredor de cuestións educativas e sindicais.
A xornada concluirá ás dez da noite, cunha cea de confraternización e a actuación de AldaoLado e Blues do País, no Auriense Café Cultural.
A xornada do sábado comezara ás 10,30 horas coa reanudación das intervencións e debates e terá lugar, asemade, a Xuntanza da Asemblea de Mulleres.
Xa pola tarde, darase conta das resolucións presentadas e serán elixidas as persoas para os distintos órganos do STEG.
Finalmente, ás 20 horas, terá lugar a Clausura do Congreso, coa intervención das organizacións convidadas e a homenaxe ás persoas que cumpren 25 anos de afiliación ao STEG.
