Aprobáronse as memorias para os proxectos de ampliación da rede de abastecemento na rúa dos Limoeiros; para mellora da rede de abastecemento na rúa da Laxa, en As Curuxeiras; e para ampliación da rede de abastecemento do núcleo da Costa, en Cudeiro.
A última hora desta xoves, a Xunta de Goberno Local celebrou unha sesión extraordinaria e urxente para aprobar cinco asuntos relativos á Concellería de Infraestruturas.
Tres deles foron as aprobacións das memorias de tres proxectos que asumirá a Xunta de Galicia a través da entidade pública Augas de Galicia. O Concello asume o compromiso de pór a disposición da administración hidráulica os terreos e auga necesarios para a normal execución das obras.
A primeira das memorias aprobadas foi a valorada para ampliación da rede de abastecemento na rúa dos Limoeiros, cun monto total de 29.010,65 euros, que será sufragado por Augas de Galicia, asumindo o Concello o compromiso de poñer a disposición os terreos e caudal precisos, así como o compromiso de asumir a explotación, mantemento e conservación das obras unha vez finalizadas.
A segunda das memorias aprobadas foi a valorada para mellora na rede de abastecemento na rúa da Laxa (As Curuxeiras), cun monto total de 47.814,43, que será sufragado pola entidade pública Augas de Galicia. O Concello comprométese a poñer a disposición os terreos e caudal precisos, así como o compromiso de asumir a explotación, mantemento e conservación das obras unha vez finalizadas.
A terceira das memorias aprobadas foi a valorada para ampliación da rede de abastecemento ao núcleo da Costa, en Cudeiro, cun monto total de 42.670,25 euros, que será sufragado pola entidade pública Augas de Galicia. O Concello comprométese a poñer a disposición os terreos e caudal precisos, así como o compromiso de asumir a explotación, mantemento e conservación das obras unha vez finalizadas.
Tamén se aprobou na Xunta de Goberno Local o Plan de Seguridade e Saúde da obra relativa á mellora de infraestruturas urbanas e urbanización na rúa da Murga, elaborado pola mercantil Proyecon-Galicia S.A.
O quinto asunto que se aprobou nesta sesión foi o proxecto de realización de acometida de saneamento para o edificio Solaina, na avenida Pardo de Cela. Este proxecto conta cun orzamento total de 48.285,55 euros,
