A directora de Orzamentos e Asuntos Xerais da Dirección Xeral da Política Rexional e Urbana da Comisión Europea visita a sede da Eurocidade.
Veronica Gaffey visitou a sede da Agrupación Europea de Cooperación Territorial (AECT) Eurocidade Chaves-Verín, en Feces de Abaixo. Nesta visita estivo acompañada polos máximos representantes da xestión dos fondos de cooepración transfronteiriza España-Portugal, en concreto, o representante da Agência para o Desenvolvemento e Cohesión de Portugal, Joao Bule, e a directora xeral de Fondos Comunitarios do Ministerio de Facenda e Administracions Públicas de España, María del Carmen Hernandez Martín.
Gaffey tivo a oportunidade de coñecer da man dos alcaldes de Verín e Chaves, os principais proxectos e accións que a Eurocidade ten realizado ao longo dos últimos anos. Por outra parte, os dous presidentes tiveron a ocasión de transmitir as principais limitacións e esixencias existentes no desenvolvemento de determinados proxectos, principalmente, en áreas especificas da competencia dos gobernos centrais e/ou rexionais, en concreto, nos dominios da saúde, transporte internacional de pasaxeiros, protección civil, seguranza pública, entre outros.
Ao finalizar a visita, o presidente da Cámara de Chaves e o alcalde de Verín entregáronlle a tarxeta da Eurocidade á directora de Orzamentos e Asuntos Xerais. Ambos os dous quedaron moi satisfeitos polo compromiso que a Cosmión Europea e os gobernos de España e Portugal están a dar e continuarán a dar no futuro para o desenvolvimento da Eurocidade Chaves-Verín.
Devandita vistita enmárcase no ámbito do programa de visitas organizado polo Eixe Atlántico do Noroeste Peninsular aos principais puntos de interese na área da cooperación transfronteiriza localizados na Eurorrexión Galicia-Norte de Portugal.
