Será o 1 de domingo ás 16:30 horas.
O Pontedeva será o próximo rival da Unión Deportiva Ourense no estadio do Couto. O partido está previsto para o domingo 1 de novembro a partir das 16:30 horas.
O Pontedeva está un posto por debaixo dos unionistas, aínda que cos mesmos puntos (a diferenza goleadora marca a posición na táboa favorable aos capitalinos).
O partido preséntase como una oportunidade para que os de Antonio Dacosta sumen a segunda vitoria consecutiva. Diante terán a un equipo que non lle porá as cousas sinxelas.
Os verdibrancos fóra de casa teñen o seu perigo. Dos catro partidos disputados lonxe do seu campo tan só perderon contra o Melias (2-1). O resto consistíu nun empate contra o Santa Teresita (1-1) e dúas vitorias ante o Palmés (2-3) e o Atlético Velle(1-2).
Pola súa banda, a Unión vén de golear en todos os partidos disputados no Couto (8-1 contra Palmés, 8-0 ante Atlético Velle e 6-0 ao Caldelao) agás contra o Santa Teresita co que perdeu 2-3.
Equipación das féminas
Doutra banda, este xoves presentouse no Couto a nova equipación do UD Ourense Feminino para a súa primeira tempada en activo. A diferencia da do conxunto masculino, a camisola das féminas ten a franxa central máis ancha. A directiva adiantou que o próximo ano os dous equipos levarán esta nova vestimenta.
Ao acto de presentación non faltaron algúns dos seus patrocinadores, que son os mesmos que os do equipo masculino, algo que agradeceu o seu presidente Modesto. O feminino, ademais, conta co apoio publicitario da Deputación, porque xoga fóra da provincia. Este domingo medirase en Velle, ás 12 horas, co Amencer do Grove.
