A Unión Deportiva Ourense que xogaba por segunda xornada consecutiva no Couto goleou ao Pontedeva por 7-0.
Se na pasada xornada a vitoria fronte o Caldelao fraguouse na segunda metade, nesta ocasión foi xa nos primeiros 45 minutos. E cun nome en particular, Cristián Dacosta foi o que anotou os goles da primeira metade.
Nada máis comezar a segunda metade, Otero uníase ao festival goleador. O lateral anotaba o seu primeiro tanto vestindo a camiseta unionista. Minutos máis tarde sería o goleador Dacosta o que anotaba o quinto para os de Antonio Dacosta. Brayan e Jorge que entraban de refresco firmaban o sexto e sétimo gol da tarde.
Ademais dos goles e dos tres puntos para a Unión Deportiva Ourense, o máis postivo do encontro foi o debut de Sergio, que entrou no minuto 55 en substitución de Tito Currás. O defensa, que levaba dous meses lesionado, estrease en partido oficial coa UD.
Clasificación
Cos tres puntos acadados fronte o Pontedeva a Unión Deportiva Ourense sitúase na sexta posición con 15 puntos, a sete da primeira praza (Amoeiro) e a seis da segunda (Atlético Arnoia). O terceiro é o Santa Teresita (20 puntos), cuarto o Santa Cruz de Arrabaldo (19) e quinto o Loñoá con 16 puntos.
En canto aos goleadores Cristián Dacosta xa é o segundo máximo goleador da competición con 9 goles. O curioso é que cinco deles os marcou nun partido e os outros catro, noutro. O máximo goleador é o xogador do Santa Teresita, Miguel Estévez, con 13 tantos.
