Nesta primeira xornada os depostistas participantes enfrontáronse ás probas de natación con obstáculos. Destacada, como case sempre, foi a actuación de Ecequiel Quiroga Ramos e Andrea Bello; od dous nadadores comezaron liderando a clasificación desta Copa Deputación. A organización correu a cargo do Club Salvour.
Os resultados máis destacados foron: Sergio Iglesias, primeiro en benxamíns; Zaira García e Hugo Estévez, en alevíns; en infantís, Eva Feijoo e Martín Merinov; Nerea Rodríguez e Daniel Carnero foron os primeiros en cadete; en absoluto (xuvenís, júnior, sénior e máster) lograron o primeiro posto Andrea Bello e Ecequiel Quiroga.
Resto de xornadas
En maio disputarase a segunda xornada coas probas de aletas e en xuño turno para a terceira xornada de rescate de maniquí. A cuarta xornada tocarán as probas de socorristas.
O vencedor absoluto será o nadador que máis puntos sumen entre as catro xornadas.
