Un ano máis o Vinteún acollerá a primeira de seis carreiras que percorrerán os barrios ourensáns rematando na Carballeira no mes de outubro.
Dos 1.106 inscritos 176 son de categoría pitufos; 161 da categoría benxamín; 74 infantís; 6 de xuvenil e 620 das categorías absolutas.
Horarios
A proba absoluta (para atletas xuvenís, júnior, promesas, séniors e veteráns) ten un percorrido de 6.000 metros -tres voltas ao circuíto- e dará comezo ás 12:30 horas. A saída e meta terá ligar na rúa Madre Soledad, percorrendo Avenida de Santiago, Rúa do Vinteún, Río Corzos, Río Mao, Río Cobas, Río Camba, Avenida de Santiago, Rúa do Vinteún, Río Corzos.
Antes terán lugar as carreiras escolares. Ás 12 h comezarán os pitufos; ás 12:10 h os benxamíns e alevíns; ás 12:15 h será o turno para os infantís e cadetes.
Circuíto
O «Correndo por Ourense» está formado por seis probas:
Domingo, 24 de abril, carreira do Vinteún
Sábado, 21 de maio, carreira do Couto, que será nocturna
Domingo, 26 de xuño, carreira do Centro
Domingo, 4 de setembro, carreira da zona universitaria
Domingo, 25 de setembro, carreira da Ponte
Domingo, 23 de outubro, carreira da Carballeira
