Vén de constituírse a agrupación local de Compromiso por Galicia en Ribadavia, na que foi electo como secretario local Manuel Vázquez, concelleiro galeguista na corporación municipal.
O acto de constitución contou coa presenza do secretario xeral, Xoán Bascuas, e o secretario nacional de Organización, Manoel Vello. Na xuntanza ficou
constituída a Executiva Local, con Julia Estévez, Serafín Lorenzo, Marina Goy, Aldara Suárez e Pablo Veiga.
Ao longo da presente lexislatura municipal, Compromiso por Galicia leva presentadas diversas mocións todas elas aprobadas por unanimidade do pleno
da corporación de Ribadavia. A forza política galeguista ten apoiado ao goberno en minoría do PSOE, permitindo sacar adiante a aprobación do PXOUM e os orzamentos do 2016. Neste sentido, o apoio de Compromiso estivo ligado a medidas previstas no seu programa, como son a pista que enlaza a Avenida do Carballiño coas vivendas protexidas da N120 ou a travesía de Valdepereira.
A valoración da participación de Compromiso por Galicia na vida municipal é positiva, na medida en que redunda no beneficio da veciñanza.
