Esta fin de semana o barrio da Cruz Alta de Ourense celebra as súas festas tradicionais na honra da Virxe da Milagrosa.
A troula comezará o venres 27 de maio, coa actuación da orquestra Capitol e Disco Móvil Show. Xa o sábado, ás 10:30 horas haberá pasarrúas coa charanga Castro Bello; ás 13 horas, sesión vermú; e a partir das 21 horas dará comezo a actuación das orquestras Santiago DC e Los Estelares.
O domingo terá lugar de novo o pasarrúas ás 10:30 horas, antes de que ás 11:30 dea comezo a procesión e misa solemne na honra da Virxe da Milagrosa; ás 13 horas haberá sesión vermú con charanga e pulpo. Pola tarde, ás 16:30, disputarase o I Torneo de Fútbol Sala na cancha do barrio, cun encontro de solteiros contra casados; e ás 20 horas comezará a actuación da orquestra Terranova encargándose do fin de festa.
