O II Torneo F8 “Ourense Provincia Termal” alevín, disputarase os vindeiros 28 e 29 de maio no campo de fútbol do Couto onde participarán dous grupos de catro equipos cada un.
O torneo, que está apadriñado polo xogador ourensán do Valladolid, Borja Fernández, contará con seis equipos alevíns divididos en dous grupos.
O grupo A soamente xogarán na xornada do domingo 29 e o fará a modo de semifinais, terceiro e cuarto posto e final.
Na primeira semifinal xogará o Pabellón contra o Celta de Vigo (10h) e na segunda o Escolas Deportivas Ourense -EDO- contra o Valladolid (11h). Os perdedores xogarán polo terceiro e cuarto posto ás 13 horas e ás 14 horas será a final. Este grupo A está conformado por equipos con rapaces de segundo ano alevín.
No grupo B participarán os equipos de Valladolid, Deportivo da Coruña, Pabellón e o E.D. Ourense, con rapaces alevíns de primeiro ano. Xogarán todos entre o sábado pola tarde e domingo pola mañá. A duración de cada partido será de dúas partes de 20 minutos.
A competición comeza o sábado ás 15:30 horas co encontro entre o EDO e o Deportivo da Coruña.
