Preto de 400 nadadores galegos e asturianos participaron este ano nun torneo que cada ano conta con máis participación.
De entre todos eles destacaron Sergio Campos (CN Coruña) e Anne de la Fuente Fiaño (CN Liceo) vencedores finais do trofeo.
Clasificacións
A clasificación final medíase pola puntuación obtida por táboa FINA de cada participante sumando os puntos de todas as probas en las que participaban. O que mellor puntuación obtiña sería o vencedor. Así, en categoría masculina o mellor foi Sergio Campos seguido do nadador do Pabellón Ourense, Alberto Taboada; en terceira posición remataría Lucas Costa Fernández (CN Ponteareas).
En canto á categoría feminina acompañaron no podio a de la Fuente a nadadora local Laura Pimentel, como segunda, e Lara Gómez (CN Galaico) en terceiro lugar.
CNPO
O Club Natación Pabellón Ourense obtivo un total de 15 medallas (seis ouros, cinco pratas e catro bronces).
Colgáronse o ouro Marc Ciurana en 100 braza e 200 estilos; Laura Pimentel en 200 libres; Miguel Pimentel en 200 libres e 100 libres e Alberto Taboada en 50 braza. As pratas foron para Marcos García en 50 bolboreta; Alberto Taboada en 200 costas; Antón Rodríguez en 200 libres; Marc Ciurana en 200 bolboreta e Alberto Taboada en 100 costas. E os bronces os lograron Laura Pimentel en 400 libres e 400 estilos; José Moure en 400 estilos e Héctor Álvarez en 200 braza.
