Era un máximo de 80 equipos os que estarían na saída do 49º Rali de Ourense Provincia Termal. Ao peche do período de inscricións eran 88 os pilotos inscritos, polo que quedaban oito na reserva. Porén desde a organización determinaron que 88 os equipos estaría na saída deste rali. Así pois, récord de participación nun rali que foi considerado o ano pasado o mellor do Campionato de España de ralis de asfalto.
Peche e apertura dos tramos
Cinco tramos que se disputarán o sábado 18 de xuño pecharanse ao tráfico 90 minutos antes da hora prevista de saída do primeiro participante. Entre as dúas pasadas non se abrirá.
O primeiro tramo será o da Peroxa (27,63 km). O peche do mesmo será ás 6:30 horas, a primeira pasadao ás 8:00 e a segunda ás 10:55 e apertura da estrada terá lugar ás 12:25.
Toén-Castrelo (15,00 km) péchase ás 7:35 h., ás 9:05 dará comezo a primeira pasada e ás 12 a segunda; para as 13:30 h está previsto a apertura.
Esgos (15,48 km) péchase ás 13:30 h., ás 15 horas será a primeira pasa e ás 18:50 h a segunda; apertura será ás 20:20 horas.
En Maceda (13,42 km) ás 14 horas pecharase o tramo, ás 15:30 h programada a primeira pasada e ás 19:20 h a segunda; a apertura será ás 20:50 horas.
E finalmente o Canón do Sil (32,00 km) que se pechará ás 14:40 horas, a primeira e segunda pasada están previstas para as 16:10 e as 20:00 horas; ás 21:30 abrirase ao público a estrada.
