Todos os encontros entre os do Ribeiro e os das Burgas soen ser broncos, e nesta ocasión non foi menos.
Dúas partes moi diferenzadas ao longo do encontro que se corresponden con cada un dos tempos de xogo. Na primeira un Nova Xestión moi medroso e fallón en ataque (ata 25 erros de lanzamentos en todo o partido) cos xogadores lonxe do nivel que mostraran a semana pasada fronte ao Atl. Novás.
Pola súa banda o Carnes do Ribeiro na súa tónica habitual, gran intensidade defensiva e confiando o xogo de ataque a creatividade de Celso Sotelo. 11-6 ao descanso.
A segunda parte tivo a súa dose de emoción, en parte polos cartóns vermellos a dous xogadores locais (a Celso e a Rogelio).
O equipo local foi capaz de sacar o partido coas suas armas habituais de coraxe e intensidade apoiados na calidade de Celso, mentres que os ourensáns sairon penalizados pola pouca intensidade inicial así como polos excesivos erros en lanzamentos, dous penaltis fallados e numerosos lanzamentos claros en superioridade.
Feminino
O sénior feminino (2ª Autonómica) de Zarra consegue a segunda victoria consecutiva a costa do débil Taboada.
O resultado é significativo (9-36). O adestrador visitante, ante a previsión dun partido lento e tedioso, plantexou o mesmo baseado en transicións rápidas da defensa ao ataque tratando de evitar a desidia do ataque lucense.
A bóa actividade das rapazas de Nova Xestión unido as dificultades técnicas do Balonmán Taboada fixeron o partido moi cómodo.
