O Campus Universitario Ourense Coosur da División de Honra B de rugbi caeu derrotado diante do Zarautz. Os homes de David Monreal non son capaces de gañar lonxe de Ourense.
A pasada xornada tampouco foi o día de acabar con esa racha negativa. Certo que xogaron contra un dos favoritos para o ascenso, e aínda que realizaron un encontro moi serio caeron derrotados en terras donostiarras.
O resultado (24 a 7) a pesar do abultado non foi o reflexo do que ocorreu no encontro; os locais basearon o seu xogo en patear o balón alto e longo. Catro golpes de castigo transformados, un ensaio de castigo e un ensaio fan a suma deses 24 puntos dos de Donostia. O Campus ensaiou e transformou deixando eses 7 puntos cos que acabaron.
Eibar
Dentro de dúas fins de semana, a vindeira toca descanso, o Campus recibe nas Lagoas ao Eibar, equipo que ocupa a undécima posición. Os ourensán tratarán de seguir fortes na súa casa cunha nova vitoria.
Outros resultados
En canto aos outros equipos do Campus, o filial perdeu por 12 a 24 diante do CRAT B; o conxunto feminino venceu na casa ante o Santiago por 17 a 15 e os sub 16 caeron con contundencia contra o Vigo por 0-68.
