O Centro Municipal de Coñecemento La Molinera incorpora na súa programación de abril novas propostas formativas para todos os públicos. A Aula CeMIT organiza un obradoiro de iniciación á informática, que se desenvolverá de luns a venres, de 9.30 a 11,30 horas, desde o día 17 ata o 25 de abril. As persoas interesadas poderán inscribirse desde o día 10. Tamén este mes, a Aula CeMIT imparte o Obradoiro “Compra de forma segura en Internet”; os días 3, 4 e 6 de abril, de 9,30 a 11,30h.
O programa Xoves inspiradores incorpora como novidade un obradoiro de marca persoal, que terá lugar o día 27, de 18,20 a 20,30h, impartido por Patricia Vázquez e Alba Moretón. Tamén dentro deste programa, continuará o día 6, o Obradoiro de argumentación e debate que imparte Aida González, campioa do mundo de debate universitario en español 2016
A terceira novidade está dirixida a escolares. Será o obradoiro “Re-creando: Novas tecnoloxías aplicadas á arte”, os días 21 e 28 de abril pola tarde, para nenos e nenas de 10 a 16 anos.
A programación do mes de abril ten como ultima novidade será unha sesión de fotografía para emprendedores, que se realizará o día 28.
As persoas interesadas poden inscribirse nas actividades páxina web www.lamolinera.net, ou solicitar máis información no centro municipal sito na rúa Abrevadeiro, 1, 988374523
Continuarán tamén en abril 3 obradoiros da Aula da Rede CeMIT (Centros para la Modernización e a Inclusión Tecnolóxica) de La Molinera, dedicados a introducción ao Arduino, electrónica básica para robótica e asesoramento de proxectos.
Para os máis cativos
Na parte infantil, continúan “Arquimakers-kids: crear para pensar” e “Team makers kids: robótica – apps”. A programación mensual complétase co taller de educación emocional Akademia, para mozos de 16 a 22 anos, e o curso de fotografía do programa municipal Universidade Popular.
