O día 12 de outubro dispútanse as carreiras clásicas de fin de tempada de galope no Hipódromo de Antela. Ás 12 horas dispútase a primeira carreira (1200 m) reservada a cabalos de pura raza Árabes. Na que a priori parten como favoritos AB Bantari, Rejón Cid e Revoltosa.
Ás 12:40 h darase a saída ao Gran Premio de Galicia (1800 m) reservado aos puro Sangue Ingleses cun prognóstico moi complicado pois tanto New Fol como Leffard, Craus, Mihanie e Barbe a Box atópanse en bo momento de forma á vista dos seus últimos resultados, pero non podemos descartar a Granja e Paraíso Canarias.
Ás 13:40 h marcase a hora de saída da proba con maior dotación do día, o Gran Premio de Galicia de Trote Enganchado, con 6 participantes en liza. Destaca como favorito o trotón francés Ramsey Du Ham que leva gañados 617.000 euros, pero contará, sen dúbida, coa presión de Quarass Rose e Roc De Cossio.
Como xa é habitual entre os asistentes se sortearán vales de comida para o Restaurante do Area de Servico de Antela.
