Esta semana o cineclub Padre Feijoo trae a película xermana, O Capitán, dentro do ciclo Europa. O filme contará con tres pases 18, 20.30 e 23 horas, o mércores 6 de febreiro, no Biblioteca pública – Casa da Cultura de Ourense. A entrada ten un prezo de 4 euros para socios e de 5 para público en xeral. A proxección será en versión orixinal con subtítulos.
O capitán. De Robert Schwentke.
Nos últimos momentos da II Guerra Mundial, en plena caída do III Reich, un soldado de 19 anos, farrapeiro e famento, rouba o uniforme dun capitán nazi. Facéndose pasar por un oficial, reúne a un grupo de desertores e comeza a matar e saquear ao seu paso a través da golpeada Alemaña nazi, descubrindo a monstruosa identidade daqueles dos que trata de escapar.
