Sthepany Ordóñez, coportavoz de Equo Galicia e Alberto Prieto, membro da Comisión executiva federal de Equo deron esta mañá respaldo á lista encabezada por Martiño Xosé Vázquez.
Destacan as propostas para fomentar a mobilidade sostible e de proximidade, potenciar os espazos verdes, ou mellorar a calidade na alimentación dos ourensáns.
“O programa de OUeC está impregnado de tres puntos fundamentais para Equo: o ecoloxismo, o feminismo e a protección do ben común», subliñaba Ordóñez.
Anova
O portavoz nacional de Anova, Antón Sánchez, visitaba a cidade de Ourense para manifestar o apoio da Irmandade Nacionalista á candidatura de Ourense en Común.
Na praza da Imprenta, ao carón da estatua de Castelao, e mencionándoo como “símbolo da aposta polas alianzas tácticas”, o cabeza de lista por Ourense en Común para as municipais, Martiño X. Vázquez, agradecía a visita de Antón Sánchez e dáballe a benvida “á súa casa, porque esta é a casa común”.
