A Escola Rural de Saúde da Limia organiza un curso sobre discapacidade física, intelectural e sensorial, que se impartirá os xoves do 4 de xuño ao 9 de xullo na Casa da Cultura de Xinzo.
Esta actividade impartirase en horario de tarde (de 16 a 20 horas) e a formación correrá a cargo de profesionais do ámbito sanitario e social, así como de testemuñas reais.
Esta actividade está aberta á toda a cidadanía e pensada para formar e sensibilizar sobre a necesidade de identificar ás persoas con discapacidade non como diferentes, senón como suxeitos que teñen outra maneira de xestionar as situacións ás que a diario nos enfrentamos, e que precisan os apoios necesarios para igualar as súas oportunidades.
O obradoiro dará comezo o 4 de xuño tratando a fisioterapia en discapacidades, e a discapacidade sensorial: auditiva e visual. O 11 de xuño abordarase a discapacidade física e intelectual, e profundizarase en COGAMI (Confederación Gallega de Personas con Discapacidad). O 18 será o turno de coñecer a atención a persoas con discapacidade e á súa familia, así como a inserción laboral dos primeiros. O 25 de xuño os participantes coñecerán a Asociación Limisi, que aborda a diversidade funcional, e o SVE. Xa o 2 de xullo, profundizarán nos produtos de apoio para a accesibilidade; así como seguridade, asistencia e prevención nestes casos. Por último, pecharase o curso o 9 de xullo cunha conferencia sobre o enfoque psicolóxico ante a discapacidade.
Serán un total de 24 horas de formación polas que os asistentes recibirán un certificado acreditativo.
Inscrición
Os interesados en participar neste obradoiro deben inscribirse previamente na Casa da Cultura de Xinzo, no 603 78 44 35 ou en escolaruraldesaudedalimia@yahoo.es.
