Pepe Araújo convértese no voceiro do grupo de goberno.
A concelleira Flora Moure, que tomou posesión no pleno do pasado 12 de agosto en substitución de Francisco González, asumíu as competencias de Recursos Humanos e Seguridade Cidadá en función dun decreto de alcaldía para designar as áreas de goberno e designar os titulares que deben rexilas.
Así, Moure Iglesias ocuparase da área de Recursos Humanos e, en materia de Seguridade Cidadá, estará ao cargo da Policía Local, incluindo tráfico e expedientes sancionadores na materia, o servizo de extinción de incendios, e Protección Civil.
Outra das competencias que quedaban por cubrir era a da portavocía municipal, que desde agora será competencia do concelleiro José Araújo Fernández, titular ademais de Infraestruturas, Perímetro Rural, Parques e Xardíns, Medio Ambiente, Servizo Eléctrico, limpeza e Transporte público.
