Os nacionalistas denunciaron que Teresa Barge non facilita a información solicitada en tempo e forma polo seu grupo.
O BNG da Bola acusa á alcaldesa da localidade, a agora popular Teresa Barge (antes nas filas nacionalistas), de «obstaculizar deliberadamente a acción da oposición» por non facilitar a información solicitada en tempo e en forma, polo grupo nacionalista. «Está sendo recurrente a negativa da alcaldesa a dar información ao grupo do BNG durante o que levamos de mandato», denuncian nun comunicado.
Sinanal desde o Bloque que ademais de oposicíon construtiva queren «exercer coas máximas garantías o noso labor de fiscalización e control da acción de goberno». Pero ata a data «todo son evasivas e disculpas para non darnos a información requerida, o que desde o noso ponto de vista fala ben as claras do talante antidemocrático da alcaldesa, Teresa Barge, que polo que se ve, e dado como actúa, aínda non asumiu o resultado das urnas do pasado maio».
O BNG vai continuar reiterando, polos cauces formais, cantas solicitudes de información consideren precisas «para o correcto desenvolvemento do noso labor». E aseguran que recorrerán a instancias supeiores se Barge continúa «coa súa actitude» para recuperar «o dereito que nos asiste como oposición».
