O resto de grupos políticos evitou apoiar este dictamen reservándose os seus votos para a sesión plenaria do vindeiro venres 4 de setembro.
Na Comisión de Pleno deste venres 28 de agosto, os tres votos dos concelleiros do goberno municipal -Flora Moure, Ana Morenza e Jorge Pumar- aprobaron o dictamen referido a: apoiar as alegacións tendentes a impedir a construcción dun crematorio no Couto-Vistahermosa e, en consecuencia, arquivar a modificación puntual de ordenación urbana no ámbito Chavasqueira-Couto, para o cambio de uso de dúas parcelas en solo urbano consolidado.
O resto de grupos políticos fixeron reserva de voto (1 PSOE, 1 Ourense en Común e 2 Democracia Ourensana) para votar definitivamente este dictamen na sesión plenaria do vindeiro venres 4 de setembro.
O goberno municipal xustificou a necesidade de adoptar este dictamen dado o forte rexeitamente veciñal existente tanto no Couto-Vistahermosa como na Chavasqueira, ante a posibilidade de instalar alí un tanatorio-crematorio, algo que contemplaba a modificación puntual de ordenación urbana que quedaría arquivada de saír adiante a proposta que hoxe aprobou o goberno municipal. De feito, ese rexeitamento foi tramitado polos veciños a través de alegacións á propia modificación puntual de ordenación urbana.
