O Balonmán Pabellón preséntase diante da súa afección este venres a partir das 20:30 horas na cancha central do pavillón dos Remedios.
Diante estará o equipo uruguaio do Centro Pontevedrés, no que militan xogadores internacionais do país sudamericano.
O Pabellón continuará por segundo ano consecutivo baixo a dirección, na área deportiva, de Diego Lorenzo. En canto ás altas, este ano chegan Imanol Cobián, procedente do SAR de Redondela e José Manuel González «Puma» que chega das categorías inferiores do Balonmán Lalín.
O obxectivo deste ano é loitar por meterse nos postos de ascenso. O gran final da pasada tempada, na que conquistaron a o Copa Galicia, invita ao optimismo de cara a este novo curso.
