Será o sábado 19 de setembro. O prazo de inscrición permanecerá aberto ata o xoves 17 na Concellería de Cultura.
A Concellería de Cultura de Ourense organiza para o 19 de setembro o Entroido de Verán, en colaboración coa Asociación Cultural Praza do Correxidor. A data elixida é o sábado 19 , cando se considera que todos os ourensáns están de volta das súas vacacións.
Premios
En categoría individual, haberá un primeiro premio de 150€, un segundo de 100€, un terceiro de 50€ e dez accésits de 30€. Por parellas, haberá 150 €, 100€ e 50€ respectivamente para as tres mellores propostas. E por grupos, integrados por máis de catro persoas, repartiranse 300, 200 e 100 euros. Ademais, haberá un premio especial á mellor fotografía colgada no facebook “Entroido de Verán en Ourense”, para incentivar a participación, que levará un premio de 75€.
A inscrición no concurso realizarase na Concellaría de Cultura, emprazada no Auditorio Municipal,en horario de 9:00 a 14:30 horas, a través do teléfono 988.391.290 ou no enderezo electrónico cultura@ourense.es. O prazo de presentación de solicitudes remata o 10 de setembro ás 13:00 horas.
A ficha de inscrición pódese descargar na web da Concellería de Cultura, en www.ourensecultura.com.
