“Las Oportunidades de la Edad: Mujeres Sabias” pretende sensibilizar sobre o papel activo que desempeñan, dentro do ámbito económico, social e cultural, e lograr a solidariedade interxeneracional.
O Ateneo de Ourense acolle ata o vindeiro 14 de outubro a mostra “Las Oportunidades de la Edad. Mujeres Sabias”, composta por 26 fotografías que buscan sensibilizar sobre o papel activo que, dentro do ámbito económico, social e cultural, as mulleres maiores de 60 anos desempeñan na sociedade actual e propiciar a autoestima deste grupo social e a solidariedade interxeneracional.
A exposición -organizada polo Instituto da Mujer, que pertence ao Ministerio de Sanidad, Política Social e Igualdad- foi inaugurada este 22 de setembro coa presenza do subdelegado de Goberno en Ourense, Roberto Castro; a concelleira de Asuntos Sociais, María Sofía Godoy; e a presidenta do Ateneo, Isabel Salgado.
