O Salón de Actos da Casa da Cultura de Verín acolle o vindeiro mércores 11 de maio, ás 19:30 horas, a conferencia O mundo da morte, as almas e os defuntos, de Miguel Losada, dentro das actividades do ciclo Crenzas Antigas e Mitoloxía, organizado pola Biblioteca Municipal do Concello de Verín.

Miguel Losada Pérez, membro da Sociedade Galega de Antropoloxía (SAGA), levará ao público cara a unha parte pouco transitada do seu imaxinario colectivo coa conferencia O mundo da morte, as almas e os defuntos. Losada versará, a través de catro exemplos, sobre o caso da Cultura Galega, que pariu mitos, ritos e deuses dun xeito tan competente como pouco divulgado.

  conferencia, Verín