As ourensás perderon contra o seu máis directo rival, o Universidad de Alicante. O Cidade empatou a dous tantos ante o Gironella.
Dous goles, un en cada parte, deron ao traste coa intención de sacar algo positivo neste duelo directo pola cuarta posición. E que o Envialia e cuarto con 54 puntos e agora a UA é quinta, con 52. Dous puntos de vantaxe para tres xornadas que faltan para que remate a Liga.
O Envialia deberá xogar contra Gironella e Cidade na casa e remata a Liga ante o Futsi en Navalcarnero. Pola súa banda, a UA visita a Futsi e Móstoles -última xornada este encontro- e recibe ao Roldán.
galegas e valencianas xogaranse a única praza libra para disputar a Copa de España. As outras tres xa teñen dono: Burela, Futsi e Alcorcón.
Cidade
O Cidade non pasou do empate a dous goles na casa diante do Gironella. Os goles de Vanessa e Lucía Nespereira tiveron a súa resposta catalana cos de Berta Velasco e Zoe. As franxiverdes son sétimas con 39 puntos.
Burela
A falta de tres xornadas o Burela mantén o liderato. As lucenses son primeiras con 74 puntos, un máis que o Futsi. Entre os dous disputaranse o campionato, xa que o terceiro, Alcorcón -64 puntos- non ten opcións de loitar polo título.
