Eran os favoritos e así o demostraron. O atleta do Ourenrunning e a do Veteranos Ourense lograron ser os primeiros nesta edición dun Desafío que pasou por Maceda, Ourense e Allariz.
Nas primeiras dúas probas celebradas o sábado 14 de maio xa impuxeron a súa superioridade. Mentres o marroquí afincado en Ourense non deixaba dúbidas de que sería difícil arrebatarlle a ourensá non tiña rival.
Maceda
Na primeira proba de apenas 6km o máximo rival de Hassan, Lolo Penas, chegaba tan só un segundo por detrás; o terceiro en discordia, Akka Essadoui, xa perdía máis dun minuto.
Sonia Teijeiro aventaxaba en máis de dous minutos as súas inmediatas perseguidoras.
Ourense
A noite do sábado Ourense acollía a segunda das tres carreiras. 15 quilómetros nos que de novo o campión demostraba a súa superioridade e desta sacaba máis dun minuto ao de Arzúa; Essadoui foi terceiro.
Teijeiro seguía ao seu a distanciábase cada vez máis das súas contrincantes.
Allariz
E chegaba a última das probas: o medio maratón de Allariz.
A clara vantaxe do ourensán fixo que con só contemporizar lograra o triunfo final tras ser segundo na meta de Allariz. Penas foi o primeiro pero sen sacar o tempo suficiente -tres segundos menos- que lle dera a vitoria global.
Akka Essadaoi foi terceiro nas tres carreiras e rematou nesa posición no podio.
Sonia Teijeiro repetiría triunfo a pesar de que fíxoselle moi costa arriba a cita de Allariz. En segunda posición entraría Silvia García e terceira Elena Pérez; ambas na mesma posición da clasificación xeral do podio do Desafío.
Por equipos
O primeiro equipo en completar este maratón foi o «Safir Molgas» (Ana Isabel Soutullo, Miguel López e José Manuel Casado). A oito segundos remataría o «Acervañán» (Lucía e Sergio Requeijo). Terceiro foi «Os Folgosos» (Maricarmen Castaño, Alberto Vázquez e Antonio Folgoso).
