O vindeiro sábado 4 de xuño, ás 20:30 horas, a Igrexa da Mercé acolle o concerto “Lémbrame un soño” do cuarteto feminino Lulavai, organizado polo Concello de Verín coa colaboración da Comunidade Mercedaria de Verín e AGADIC-Consellería de Cultura, Educación  e Ordenación Universistaria.

«Lémbrame un soño» é o título do segundo traballo discográfico do cuarteto feminino de voces e arpas Lulavai. En concerto totalmente acústico, farán gozar aos espectadores con temas de composición propia, orixinais e evocadores, nos que sen perder o referente da música tradicional, podemos captar pinceladas de músicas do mundo, música clásica ou jazz.

  concerto, Lulavai, Verín