«Arsénico por compaixón», de Joseph Kesselring en versión de Tito Asorey, é a última montaxe de Teatro Múxicas, que será estreada o día 29 de xuño ás 20:30 horas no Auditorio da Casa de Cultura do Concello de Barbadás.

Sinopse

Lucía, unha actriz galega, está a piques de casar co seu mozo Alberte. Cando vai anunciar o casamento ás súas tías Adelaida e Úrsula, descobre que agochan un terrible segredo: o emprego do arsénico como medio para “axudar” a pasar a mellor vida a todos aqueles velliños que consideran que están a sufrir de máis nesta vida.

Con esta premisa, Teatro Muxicas presenta un divertido e sorprendente vodevil cheo de acción, de confusión e humor negro eque achega o xa clásico texto de Kesselring á realidade galega.

A compañía Teatro Muxicas ten como principal particularidade estar composta na súa mayoría por actores cegos ou cunha deficiencia visual grave.

  Barbadás, teatro