Un ano máis o Futures Cidade de Ourense chega para ver de preto a algunhas das raquetas máis prometedoras do tenis. Entre o 6 e o 13 de agosto, o Club Santo Domingo (A Derrasa) acolle a novena edición do torneo Futures para xóvenes promesas.
Durante a primeira fin de semana (do 6 ao 8 de agosto) celébrase a fase previa; a fase final, do 8 ao 13.
A final de dobres terá lugar o venres 12, non antes das 18:30 horas e a individual está prevista para o sábado 13 (non antes das 18:30 horas).
En total participarán 70 tenistas, dos cales 11 son invitados polo torneo. Os ourensáns que participarán no torneo son: David de León Rey, Luís Morillo e Javier Rivera.
Favorito
Alex de Miñaur é o favorito a levarse o Cidade de Ourense. Miñaur, aínda que é español representa a Australia. Foi invitado polo perfil acorde ao torneo.
Ten 17 anos e ocupa o posto 645 del mundo do ranking ATP. O torneo ourensán sírvelle para a preparación do Open USA.
Outros primeiros espadas neste campionato serán o campión de España sub 18, Alejandro Davidovich; o noruego Viktor Durasovic, titular da Copa Davis por Noruega; o chinés Zhizhen Zhan, verdugo recentemente de dous rivais con ránking 71 e 74 e o francés Benjamin Bonzi, posto 477 da ATP e vencedor do Roland Garros de 2014.
Orzamento
Desde a organización do torneo anunciaron que o ano que vén teñen que incrementar o orzamento do Cidade de Ourense. O motivo é que desde a federación internacional esíxenlles subir a contía dos premios, dos 10.000 dólares actuais ao 15.000 para o ano que vén. Para elo están buscando máis patrocinadores e un cambio de datas. O cambio podería darse se moitos dos torneos non son capaces de conseguir o incremento presupuestario e veríanse obrigados á desaparecer.
Nese caso desde o torneo ourensán tentarían cambiar o torneo para o mes de xuño, coincidindo coas festas de Ourense.
