A Filarmónica de Cámara foi fundada no 2003 en Colonia – cidade famosa internacionalmente polo seu conservatorio e os seus profesores de música. Aquí nas clases maxistrais dos profesores Viktor Tretjakov, Maria Kliegel, Robert Winn, Frans Helmerson, Zakhar Bron, Ralph Manno a F.D.C recruta constantemente os seus talentos. Xa son máis de 100 músicos que actúan en diversas formacións da F.d.C. Tras unha minuciosa selección compóñense os numerosos conxuntos, desde a orquestra de cámara ata a orquestra sinfónica. E tras intensivos ensaios comezan as xiras e a aventura musical.

A nosa xira mundial 2016/2017 levaranos a Nova Zelandia, Australia, España, Gran Bretaña e a través de toda Alemaña. Durante as preparacións poñemos especial atención na selección das obras e dos nosos solistas.

Grazas á especial individualidade dos solistas da orquestra, a Filarmónica de Cámara dálle a cada un dos seus músicos a posibilidade de presentarse como solista. A Filarmónica de Cámara ten como divisa que o seu repertorio compóñase das máis selectas obras. O especial atractivo do noso programa consiste na combinación de obras populares con outras menos coñecidas de diversas épocas musicais. Así actúan grandes mestres da música como Wolfgang Amadeus Mozart e Antonio Vivaldi en diálogo con obras desde Sergei Prokofieff ata o rei do tango, Astor Piazolla. Esta mestura promete unha diversidade ao máis alto nivel.

  música, teatro principal