O Pazo dos Deportes Paz acollía un partido inédito da LEB Ouro: o Club Ourense Baloncesto contra o Marín Peixegalego.
O partido tivo pouca historia. Un COB superior impúxose a un débil Marín o que lle permitiu sumar a cuarta vitoria da tempada.
O xogo interior cobista foi suficiente para que se lograra a vitoria. Un gran Devin Wright -realizou o mellor partido desde que viste a camiseta do COB- acompañado por Guerra e Flis fixeron que o partido caera do lado cobista.
Os tiradores non tiveron o seu día, pero era algo co que contaba o técnico Gonzalo García de Vitoria: «era un partido para gañar desde dentro» afirmaba na rolda de prensa posterior ao encontro.
Martín Rodríguez non estivo moi acertado, pero Christian Díaz guiou ben ao equipo sendo importante na dirección e na anotación.
Catro vitorias e tres derrotas para situarse na zona media da clasificación á espera dun mes de novembro que, xunto con este, terá seis xornadas máis. A próxima parada: este martes en Palma.
