Este ensaio chega ao Outono Fotográfico da man do festival Encontros da Imagem (Braga, Portugal) co que o festival galego ten desde hai anos unha parcería e un camiño común feito a base de colaboracións de distinta índole. Un dos intercambios establecidos entre os dous festivais, é cedérense entre eles o Premio de cada ano. É por este motivo que o Emergentes DST fai parte da programación do Outono Fotográfico, e o Premio Galicia de Fotografía Contemporánea é integrado no ciclo de exposicións
dos Encontros da Imagem. O traballo de Víctor Enrich foi o elexido entre decenas de ensaios fotográficos na pasada edición do festival luso.

«City portraits (2007-2012)» é unha serie de imaxes resultado da selección dunha máis ampla reportaxe fotográfica realizada durante unha viaxe que durou seis anos e que levou a Víctor Enrich a visitar a Europa central e o Medio Oriente.

  exposición, Outono Fotográfico