O premio da promoción “Este Nadal Merca en Verín» entregouse mediante un sorteo presencial durante a Gala Máxiva de Aever celebrada no Pavillón Municipal.
No sorteo participaron todas aquelas persoas que compraron ou consumiron nos establecementos asociados a Aever, do 4 de decembro ao 3 de xaneiro, por un importe superior a 10 euros.
O gañador, Miguel Vega Vega, poderá poderá gozar do seu premio realizando compras por un importe de 1.000 euros en, polo menos, cinco establecementos de asociados a Aever, non podendo gastar máis de 200 euros en cada un deles.
Na Gala Máxica de Aever estiveron presentes o o presidente da Asociación de Comerciantes de Verín (Aever), Santos Álvarez; o xerente do colectivo, José Ángel Rodicio; o alcalde de Verín, Gerardo Seoane e a responsable da cámara de comercio en Verín, Susana Boo.
A gala contou coa participación de centos de nenos e nenas que gozaron dunha divertida xornada de actuacións de maxia da man dos artistas Mago Xacobe e Magomimo Anyo.
Concurso de Escaparates de Verín 2016
No evento tamén se entregaron os correspondentes cheques regalo aos gañadores do Concurso de Escaparates de Verín 2016.
O primeiro premio, dotado con 150 euros, foi para Aquaerea; o segundo (100 euros), para Ángela Moda e o terceiro (50 euros) para Chiqui Moda Infantil.
No concurso participaron 40 establecementos comerciais.
