O Ourense Club de fútbol organiza por segundo ano consecutivo a II Andaina Solidaria do Ourense CF, a favor de Cruz Vermella. A presentación tivo lugar no Centro Comercial Pontevella e estiveron nela o presidente do club, Camilo Díaz e o vicepresidente da institución humanitario, Francisco Soto; este argumentoi que os fondos que se recaden destinaranse á promoción do éxito escolar e inclusión social dos nenos na nosa provincia. Esta actividade, que xunto, co amplo calendario de apoio socio-educativo de Cruz Vermella, supuxo o pasado ano un abano de oportunidades para 440 nenos en Ourense.
Percorrido
O percorrido da andaina mantense fiel á edición anterior, con saída ás 10:00 h fronte ao restaurante Oira Praia subindo cara a Velle, Extraco, Tibiás, pasando por Castadón, Castro San Tomé, colexio Mende, Río Lonia e regreso a Oira.
A cota de inscrición, ata o xoves 22, será de 3 euros, e poderá efectuarse na conta de Abanca É89 2080 0450 8231 1000 1568.
Os participantes do camiño solidario poderán recoller os seus dorsais nas oficinas do club, en Oira de 17 a 21 horas e o día da andaina hora e media antes da saída.
Con esta acción, o Ourense Club de Fútbol, abre un novo capítulo do seu programa social “de accións” Ourense de Dez”.
