O Museo Municipal presentou a exposición «Ollada ao pasado», unha retrospectiva da obra de Modesta Fernández Blanco, coñecida no mundo artístico como Meborat. Formada por 33 lenzos -desde os máis figurativos, a través dos que recoñeceremos moitos dos recunchos da nosa cidade, até a obra abstracta- e 4 esculturas en pedra, a exposición “supera o ámbito da divulgación artística, é case un acto de xustiza”, en palabras da concelleira de Cultura, Belén Iglesias.

A obra pódese visitar -ata o mes de decembro- no Museo Municipal (rúa Lepanto 8) en horario de 11 a 13:30 horas e de 18:30 a 21:30 horas de martes a sábados, e de 11 a 13:30 horas os domingos.