Dende o Coro Gli Appassionati querémosvos facer chegar a nova do noso próximo concerto en Ourense:

Este vindeiro domingo, 6 de xaneiro, ás 19.30, no Auditorio Municipal de Ourense na Gala Lírica de Reis a cargo do Coro Gli Appassionati.

Interpretaranse obras da ópera italiana e francesa máis queridas polo público: Rossini,Verdi, Donizetti Mozart, Ponchielli, Bizet, Delibes, Saint-Saëns e Offenbach.

Polo escenario pasarán máis de 140 músicos, entre a Orquestra Sinfónica Talenta, dirixida por Diego Fortes, e os tres coros da familia Appassionati, que dirixe Nuria Lorenzo: Gli Appassionati, os pequenos de I Bimbi Appassionati e os senior de Gli Amici Appassionati. E en pezas selectas contaremos tamén coas voces únicas das solistas Nuria Lorenzo (mezzosoprano) e Anabel Alonso (Soprano).