A Subida da Costiña de Canedo dará o pistoletazo de saída ao 2020. A mítica proba chega a súa 27ª edición e o fará o 1 de xaneiro a partir das 12 horas.
Sairase desde a praza de Eirasvedras, Quintela de Canedo, e rematará no Lugar da Igrexa, Castro de Beiro. A distancia, que é orientativa e non homologada, aproxímase aos 4.200 m., cun desnivel máximo do 20% (a Costiña).
Poderase participar nun das tres modalidades: carreira a pé, con cans ou en bicicleta. As inscricións están abertas ata o 29 de decembro e o prezo é de 5 euros. Pódese inscribir en: sportmaniacs.com/es, ou de xeito presencial en Redonet Deportes, Rúa Ervedelo, 21 ou Garpe Sport, avenida Buenos Aires, 86-88
Os dorsais poderán retirarse o día 30 na cafetería Pavillón dos Remedios, en horario de 10 h. ás 18 h. ou o memso día da proba na mesa habilitada na praza de Eirasvedras, de 9 a 11 horas.
