Cine: Cidadán Kane

Un importante magnate estadounidense, Charles Foster Kane, dono dunha importante cadea de xornais, dunha rede de emisoras e dunha inimaxinable colección de obras de arte, morre en Xanadú, o seu fabuloso castelo de estilo oriental. A última palabra que pronuncia antes de expirar, «Rosebud», cuxo significado é un enigma, esperta unha enorme curiosidade tanto na prensa como entre a poboación. Así, un grupo de xornalistas emprende unha investigación para desentrañar o misterio.

Mércores, 2 de decembro: «Cidadán Kane», ás 17 e 20 horas.

As proxeccións terán lugar na Casa da Cultura de Ourense (antiga biblioteca pública, rúa Concello, 11) e o aforo está limitado a 30 persoas. O Cineclube Padre Feijoo conmemora o seu 50º aniversario coa proxección de 50 películas ata final de ano.