Exposición: Afonso X e Galicia

A Deputación de Ourense  colabora na exposición ‘AFONSO X E GALICIA’, no 800 aniversario do seu nacemento. A mostra, impulsada polo Consello da Cultura Galega en colaboración coa Consellería de Cultura, a Deputación de Ourense e a USC, explora a faceta humana e intelectual, así como a conexión de Alfonso X con Galicia. O relato expositivo estará en galego, inglés e castelán e permitirá achegarse á complexa e poliédrica figura de Alfonso X, ás Cantigas de Santa María, como testemuño visual e sonoro da Idade Media galega e europea, aos instrumentos e á cultura galega da época.