O vindeiro 4 de xuño, ás 17:00 horas, terá lugar O Concerto de Música Solidaria a favor de Cáritas Verín na Igrexa Parroquial de Verín.

O mesmo organizado polo Conservatorio Elemental de Música de Verín, coa colaboración da Fundación Caja Rural de Zamora e o Concello de Verín, ten como obxectivo recadar fondos en favor de Cáritas Verín, a través da adquisición dunha entrada para acceder a este concerto cun prezo simbólico dun euro -que se pode adquirir na propia Igrexa Parroquial desde as 16.30 horas da mesma xornada ou previamente nas igrexas Parroquial e Mercé e en mesas situadas en rúas da localidade-; así como a colocación dunha urna no interior do recinto para efectuar doazóns..

Os músicos participantes interpretarán temas populares e clásicos como Estudio No. 74, Para una canción, Guajira No. 1, Allegro do Concerto en Re Maior, Op. 15, Allegro do Concerto en Re Maior, Op. 15, Allegro do Concerto en Re Maior, Op. 15, Preludio en Si menor, Op. 28, No. 6, My Bonnie is over the ocean, Ave Maria ou  Waltz No. 3. Todos eles pertencentes a autores como P. I. Tchaikovsky, Franz Schubert, F. Chopin, Franz Schubert, Jean-Marc Allerme, D. Shostakovich, Marta Cuervo ou Alexis Báxter, entre outros.

  Cáritas, concerto, Verín